Հավելվածի օգտագործման պայմանները
Ներածություն
Շնորհակալություն Natali pharmacy+care հավելվածն (application) (այսուհետ նաև՝ Հավելված) օգտագործելու համար: Հավելվածը ներառում է «Նատալի ֆարմ դեղատուն» ՍՊԸ ընկերության (այսուհետ նաև ՝ Վաճառող) կողմից մատակարարվող ապրանքների և մատուցվող ծառայությունների համապարփակ տեղեկատվությունը:
Հավելվածի օգտագործումը պետք է համապատասխանի Հավելվածի օգտագործման սույն պայմաններին (այսուհետ՝ Պայմաններ):
- Տեղեկատվության հասանելիություն և օգտագործում
Դուք կարող եք օգտագործել Հավելվածը Ձեր հեռախոսում (այսուհետ՝ Սարք) «Նատալի ֆարմ դեղատուն» ՍՊԸ ընկերության դեղատնային ցանցի կողմից մատուցվող ծառայությունների վերաբերյալ տեղեկատվություն դիտարկելու, գտնելու, ինչպես նաև առցանց պատվերներ իրականացնելու համար: «Նատալի ֆարմ դեղատուն» ՍՊԸ ընկերությունը պատասխանատվություն չի կրում Հավելվածից բացի այլ հավելվածի միջոցով «Նատալի ֆարմ դեղատուն» ՍՊԸ ընկերության դեղատնային ցանցի վերաբերյալ հասանելի դարձած որևէ Տեղեկատվության համար։
- Թարմացումներ
Հավելվածի կառուցվածքը և ներառված տեղեկատվությունը պարբերաբար ունենում են թարմացման անհրաժեշտություն, օրինակ՝ վրիպակների շտկման, գործառույթների ընդլայնման, փլագինների ավելացման կամ նոր տարբերակների համար (այսուհետ՝ Թարմացումներ): Թարմացումները կարող են պահանջվել, որպեսզի Դուք կարողանաք օգտագործել Հավելվածը՝ տեխնիկական նորովի ապահովմամբ և առավելագույնս ճշգրիտ տեղեկատվությամբ: Ընդունելով այս պայմաններն ու օգտագործելով Հավելվածը՝ Դուք համաձայնում եք ավտոմատ ստանալ Թարմացումները:
- Գնումներ և Վճարումներ: Ապրանքի (Դեղեր, բուժ. պարագաներ,գեղեցկության և խնամքի միջոցներ, մանկական սնունդ ևայլն) գնում
- Երբ Դուք հավելվածի միջոցով գնում եք ապրանք, Դուք՝ Պայմանների համաձայն, կնքում եք գործարք Վաճառողի հետ:
- Հավելվածի միջոցով կարելի է կատարել 2 000 ՀՀ դրամ և ավելի ընդհանուր արժողությամբ ապրանքի/ապրանքների գնումը: Գնման գործարքը հանդիսանում է Պայմանների լրացում։
- Ապրանքի գնման գործարքը համարվում է կնքված այն պահին, երբ ստանում եք ծանուցում, որով հաստատվում է ապրանքի գնումը:
- Նախնական պատվերներ
Երբ Դուք տեղադրում եք ապրանքի համար նախնական պատվեր, այդ ապրանքի գնման գործարքը կնքվում է, երբ Ձեզ ուղարկվում է ծանուցում պատվերը Վաճառողի կողմից հաստատվելու մասին:
- Վճարումների կատարման եղանակներ
- Հավելվածի միջոցով ապրանք գնելիս Դուք կարող եք ընտրել վճարման եղանակներից մեկը՝
- Կանխիկ` առաքման պահին,
- Բանկային տերմինալի միջոցով` առաքման պահին,
- Առցանց՝ հավելվածի օգնությամբ,
- Բոնուս միավորների օգտագործմամբ,
- Telcell, Idram վճարահաշվարկային համակարգերի միջոցով:
- Բանկային քարտով վճարում կատարելիս Դուք պետք է ենթարկվեք երրորդ անձի հետ կնքված լ ի րավական համաձայնագրին, որը կարգավորում է վճարման կատարման տվյալ եղանակի օգտագործումը: Դուք ինքնուրույն պատասխանատվություն եք կրում ՀավելվածումՁեր կողմից կատարվող բոլոր վճարումների հետ կապված վճարման ենթակա բոլոր գումարների համար:
- Գներ
- Հավելվածում ներկայացված ապրանքի գներն ու հասանելիությունը մինչև գնումը ցանկացած պահի կարող են փոփոխվել:
- Տեխնիկական պատճառներով հնարավոր են ապրանքների գների և ապրանքների նկարների ոչ զգալի անհամապատասխանություններ: Գնային տարբերության և/կամ նկարների անհամապատասխանության դեպքում կարող եք զանգահարել +374 55333223 հեռախոսահամարին կամ խնդրի մասին գրավոր ներկայացնել «Նատալի ֆարմ դեղատուն» ՍՊԸ ընկերության պաշտոնական էլեկտրոնային հասցեին`[email protected]: Խնդրին լուծում կտրվի դիմելուց հետո սեղմ ժամկետում:
- Ապրանքի վերադարձը և փոխանակումը
Բոլոր հաստատված գնումները համարվում են են վերջնական, ինչը նշանակում է, որ փոխանակում ու վերադարձ չի կատարվում, բացառությամբ հավելվածում գնման պահին առկա տեխնիկական սխալների հետևանքով ապրանքների վերաբեյալ ոչ ճշգրիտ տեղեկատվության դեպքերի, ինչպես նաև ՀՀ օրենսդրությամբ սահմանված ժամկետում և ապրանքների վերադարձման դեպքերի։ Եթե գործարքի համար նախատեսված է փոխարինում կամ վերադարձ, ապա այն կարող է չեղարկվել:
- Իրավունքներ և պարտականություններ
- Հավելվածի օգտատերն իրավունք ունի ՝
- Անվճար հիմունքներով օգտագործել Հավելվածը
- Գտնել տեղեկատվություն Հավելվածում
- Կուտակային քարտի վերաբերյալ ստանալ տեղեկատվություն
- Կուտակային քարտի տվյալներն օգտագործել «Նատալի ֆարմ դեղատուն» ՍՊԸ ընկերության դեղատնային ցանցում միավորներ կուտակելու համար
- Առկայության դեպքում «Նատալի ֆարմ դեղատուն» ՍՊԸ ընկերության դեղատնային ցանցում գնումներ կատարելիս օգտագործել կուտակային քարտում առկա միավորները:
- Հավելվածի օգտատերը պարտավոր է՝
- Հավելվածում գրանցվելիս և ապրանքի գնման պատվեր կատարելիս տրամադրել ճշգրիտ տեղեկատվություն (հասանելի հեռախոսահամար, ճշգրիտ հասցե)
- Ապրանքի գնման պատվերը չեղարկել մինչև պատվերը հաստատող ծանուցում ստանալը,
- Վաճառողը իրավունք ունի՝
- Հավաք ագրել օգտատերի վերաբերյալ տեղեկատվություն (անուն-ազգանուն, էլեկտրոնային հասցե, առաքման հասցե),
- Հավաքագրված տեղեկատվությունը տրամադրել Վաճառողի օնլայն ծառայության համապատասխան ստորաբաժանումներին՝ ապրանքների առաքումը իրականացնելու համար:
- Վաճառողը պարտավոր է՝
- Հավելվածում տեղադրել ճշգրիտ տեղեկատվություն,
- Առաքել պատշաճ որակի ապրանքներ,
- Ընդունել պատվերի չեղարկումը, եթե այն կատարվել է մինչև առաքման գործընթացը սկսելը,
- Օգտատերերի վերաբերյալ տեղեկատվությունը չտրամադրել երրորդ անձանց:
- Պատվերի ընդունման և առաքման պայմաններ
- Պատվերներն ընդունվում են և առաքվում են շաբաթվա բոլոր օրերին:
- Պատվերների առաքման ծառայության համար գանձվում է առաքման գումար, որի չափը արտացոլված է պատվերը կատարելիս:
- Վերադարձի պայմաններ
- Առաքված պատվերից և նրա վճարումից հնարավոր է հրաժարվել հետևյալ դեպքերում.
- Առաքված ապրանքը տարբերվում է պատվիրված ապրանքից,
- Վնասված է ապրանքի փաթեթավորումը:
- Ապրանքը վերադարձի ենթակա է միայն առաքման պահին(առաքիչի ներկայությամբ խնդիրը արձանագրելուց հետո)
- Պայմանների փոփոխությունները
Պայմանները փոփոխվելու դեպքում Դուք կստանաք ծանուցում, և նոր Պայմաններն ուժի մեջ կմտնեն ծանուցմամբ սահմանված ժամկետից հետո: Փոփոխված Պայմանները կկիրառվեն Ձեր կողմից ամբողջ Տեղեկատվության օգտագործման և բոլոր հետագա տեղադրումների և գնումների նկատմամբ: Եթե Դուք համաձայն չեք նման փոփոխությունների հետ, Ձեզ հնարավորություն կտրվի դադարեցնել Հավելվածի Ձեր օգտագործումը: